Hefði mögulega geta hangið talsvert lengur með því að leika kóngnum um borðið en hreyfa ekki við stöðunni að öðru leiti.

Skákstúderingarnar hefjast kl 20:30 og verða þær í umsjá Einars Hjalta Jenssonar, sem verður staddur í Hafnarfirði ásamt öðrum félagsmönnum Goðans, sem eru búsettir á höfuðborgarsvæðinu. Skákstúderingarnar fara fram í gegnum SKYPE og verður þeim varpað upp á tjald með skjávarpa á Húsavík.

Félagsmenn eru hvattir til þess að fjölmenna á þessar stúderingar og notfæra sér þessa flottu tækni sem Skype er. 

Ég hefði nú gefið þessa einvherntíman í maí, ef ég hefði verið í hans sporum.

Fyrri skákina við þennan andstæðing vann ég í júní. Hún er einnig aðgengileg hér.

Drottningin fallin og hann gaf snarlega, enda með gjörtapað.

Ég tók undir það.  Hann gafst upp eftir 10 leiki. Hann hefði alveg geta barist eitthvað áfram en þar sem hann byrjaði illa, ákvað hann af gefa strax.

Eins og oft áður gafst hann vel og þrengdi ég smá saman að svörtum. skákin endað svo með snyrtilegu máti í 37. leik.
Ég gaf Sighvati færi á að taka hrók, sem hann og gerði. Það leiddi til óverjandi máts í tveimur leikjum.  

Sjá hér fyrir neðan.

Ekki byrjaði ég skákina vel því í 15. leik lék ég hræðilega af mér....Ég drap riddarann með röngu peði ! Ég átti að sjálfsögðu að drepa með h peðinu. Skil ekki enn af hverju ég valdi vitlaust peð....Skrifast þessi leikur á fljótfærni. Seinna í skákinni var það einmitt fljótfærni sem kom í veg fyrir sigur minn í skákinni. 

Dagur var snöggur til og setti gaffal á drottninguna mína og hrók. Ég varð að láta hrókinn og var kominn skiptamun undir. Ekki leit þetta vel út. Dagur þrengdi smá saman að mér og allt leit út fyrir tap, þar til í 31 leik, en þá ákvað ég að prófa að skáka honum og sjá til hvernig hann myndi bregðast við.
Mér til mikillar furðu lék hann ekki drottningunni fyrir skákina eins og ég hefði gert, heldur lék hann kóngnum undan ! Aftur skákaði ég og aftur lék hann kóngum sínum undan í stað þess að leika sinni drottningu fyrir. Þá sá ég sæng mína útbreidda ! Ég sá fyrir mér mátstef í 4 leikjum.
 
Dagur hugsaði sig lengi um við hvern leik og var örugglega að hugsa um að gefa skákina, en gerði það samt ekki. Ég var aftur á móti fullur sjálfstraust og beið þess sem verða vildi. Dagur lék ónákvæmt í 35.leik. Betra hefði verið að leika Kg5 !

Þegar hann lék kóngum sínum undan skákinni í síðasta sinn, á g5, hugsaði ég ekki. Ég lék 36. leik nánast samstundis og skellti drottningunni á h5 reitinn og hélt að hann væri mát !  Þá áttaði ég mig á mistökunum ! Það voru hrikaleg ! Hann var ekki mát. Kóngurinn slapp út úr prísundinni á f4 og sigurmöguleikar mínir voru úr sögunni. Það eina sem ég þurfti að gera var að leika drottningunni á h6! í stað h5. Á h6 var hann mát !! 

Þessi skák kenndi manni mikilvæga lexíu. Alltaf að hugsa áður en maður leikur.

Þegar við mættum til leiks kom í ljós að við áttum að tefla við eitthvað lið sem kallaði sig Skákdeild Ballar ! Enginn hafði hugmynd um hverjir þetta voru.  Meira að segja Páll Sig vissi ekkert um þá. Seinna kom í ljós að þetta voru strákar úr Verslunarskólanum (ef ég man rétt).

Snemma í viðureigninni kom í ljós að geta þeirra við skákborðið var nánast enginn og vannst viðureignin auðveldlega 6-0. Rúnar, Smári, Jakob og Baldur, mátuð sína andstæðinga í innan við 20 leikjum. Ég vann minn eftir 23 leiki, en Bjössi var sá eini sem lenti í einhverjum vandræðum með sinn mann. Bjössi missti drottinguna, en stillti upp í mát síðar í skákinni og mátaði hann þó að Bjössi væri drottingu undir !

Mín skák var sérlega minnisstæð, ekki vegna þess hve vel hún var tefld, heldur hvernig andstæðingur minn hagaði sér við skákborðið. Ég hef aldrei orði vitni að öðru eins !

Til að byrja með var hegðun hans eðlileg, en þegar leið á varð hegðunin mjög undarleg. Hann lék sínum mönnum nánast umhugsunarlítið bara eitthvert, en kunni þó mannganginn. Það reyndist mér frekar auðvelt að vinna skákina, vegna þess hvernig hann lék.

Eftir einn leikinn stóð hann upp, lagðist á gólfið og tók nokkrar armbeygjur !
Allir nærstaddir störðu á hann, en liðsfélagar hans hlógu eins og hálfvitar. Ég lék næsta leik og þá svaraði hann um hæl, leik leik, en ýtti svo á klukkuna með hausnum !

Ég var alveg forviða ! Hvað gekk manninum til ? Svona hélt þetta áfram um stund. Hann lék einhverjum leik, ýtti á klukkuna með hausnum, lagðist á gólfið og tók nokkrar armbeygjur.
Þetta var hætt að vera fyndið. Ég ákvað að láta þetta ekkert á mig fá og lék því jafn harðan og hann var búinn að leika, svo að hann hefði ekki tíma til að leggjast á gólfið.
Ég er nokkuð viss um að andstæðingur minn var á einhverju.

Ég sá að Guðfríður Lilja Grétarsdóttir, þáverandi forseti skáksambands Íslands, stóð þarna álengdar og fylgdist með. Ég sá að hún hristi bara hausinn yfir þessu og hvarf á braut. 

Eins og áður segir vann ég léttan sigur eftir 23 leiki. Skákdeild Ballar átti erfitt uppdráttar í 4. deildinni og voru í hópi neðstu liða. Ballar menn kláruðu mótið í mars. Þeir mættu til leiks aftur haustið eftir. Hinsvegar mættu þeir ekki með lið til Akureyrar í seinni hlutann vorið 2009, ekki frekar en mörg önnur lið að sunnan.  Ekki voru Ballar-menn með í deildarkeppninni 2009-10. Spurning hvort þeir verði yfirleitt meira með.

Mótið 2007-8 á chess-results:
http://www.chess-results.com/tnr9066.aspx?art=20&lan=1&flag=30&m=-1&wi=1000&snr=23

Margir Víkingaklúbbsmeðlimir tóku þátt í, ma. Bjarni Sæm, John Ontiveros og fl.