Skákfélagið Goðinn

Uppfært í september 2010.

Frétta og upplýsingasíða Skákfélagsins Goðans. Félagsvæði Skákfélagsins eru Þingeyjarsýslurnar báðar og Húsavík. Þó er búseta á félagssvæðinu ekki skilyrði fyrir félagsaðild. Á þessari heimasíðu verður sagt frá öllu því sem skákfélagið Goðinn stendur fyrir, m.a. skákæfingar og skákmót. Greint verður frá gengi okkar skákmanna taki þeir þátt í mótum hjá öðrum skákfélögum bæði hérlendis og erlendis. Öll úrslit úr mótum félagsins verða birt hér á síðunni. Einnig er töluvert myndasafn (sjá myndaalbúmin) aðgengilegt hér á síðunni af félagsstarfinu síðustu ár.

Skákfélagið Goðinn var formlega stofnað 15 mars 2005 og fyrsta stjórn félagsins kjörin. Þá voru stofnfélagar 11. Reyndar höfðu stofnfélagarnir hitts reglulega árið áður án þess að sérstakur félagsskapur væri stofnaður. Síðan þá hefur félagið verið í örum vexti og í dag eru skráðir 55 einstaklingar í félagið. Flestir búa í Þingeyjarsýslu og á Húsavík. Nokkrir búa á stór-Eyjafjarðarsvæðinu og þó nokkrir á stór- Reykjavíkursvæðinu.

Eftirtaldir skipa stjórn félagsins: Hermann Aðalsteinsson formaður, Sighvatur Karlsson ritari og Sigurbjörn Ásmundsson gjaldkeri.

Goðinn stendur fyrir reglubundnum skákæfingum og skákmótum frá september til og með apríl ár hvert. Skákæfingarnar eru haldnar í félagsaðstöðu Framsýnar-stéttarfélags Garðarsbraut 26 á Húsavík. Svo er einning um flest skákmót. Goðinn hefur sent skáksveit til keppni á Íslandsmóti skákfélaga undanfarin 6 ár og sl. tvör ár sendi félagið þrjár skáksveitir til keppni.

Félagið hefur staðið fyrir skákmótum fyrir börn og unglinga á undanförnum árum og hafa þau verið vel sótt. Félagið hefur einnig staðið fyrir skákkennslu fyrir börn og unglinga undanfarin ár. Í vetur verður skákkennsla á vegum félagsins 1 sinni í viku í Borgarhólsskóla á Húsavík og í Stórutjarnaskóla í Þingeyjarsveit. Einnig er lengra komnum nemendum kennt einu sinni í viku á Húsavík.

Undir venjulegum kringumstæðum er lítil starfsemi á vegum félagsins yfir sumarmánuðina.

Hermann Aðalsteinsson formaður lyngbrekku@simnet.is
Sighvatur Karlsson ritari srhvati@simnet.is
Sigurbjörn Ásmundsson gjaldkeri stong@visir.is

Desember 2011.

Ábyrgðarmaður skv. Þjóðskrá: Hermann Aðalsteinsson